الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 يا ترى الجرجير ف الحلم خير

اذهب الى الأسفل 
كاتب الموضوعرسالة
❤ღ♥المايسترو الايطالي♥ღ
عضو مشارك
avatar

ذكر
عدد المساهمات : 115
تاريخ التسجيل : 24/07/2010
العمر : 21

مُساهمةموضوع: يا ترى الجرجير ف الحلم خير    الإثنين أغسطس 02, 2010 2:54 pm

بقي كتير اوى في كل مكان وقنوات كتير كمان
تلاقي واحدة اتصلت وتقول ايه :
انا النهارده شوفت رؤية بأنى قال راكبة تاكسي
ولقيت عادل إمام جانبي قاعد
وقام من جانبي وفي لحظة لقيت نفسي قومت على
صوت ابنى حماده بيقولى
ماما ماما عايز اعمل بببي
يا ترى ده معناه ايه يا شيخنا


و خد عندك من ده كتير
اعلان يقول " دلوقتى مع الخط الساخن 0900
تقدر تفسر احلامك مع الدكتور الفلانى
اللى حاصل على معرفش ابصر ايه في علم الاحلام من جامعة
شاهبندر التجار


خلاص بقي اى حد دلوقتى حافظ كلمتين يقدر يفسر رؤوى واحلام
الناس كلها بقيت شيوخ
دا لو حتى ان كان فعلا وعنده من العلم كتير جدا
برضوا مش اى حد يفسر حلم وخلاص
تفسير الرؤى ده اللى سمعنا عنه
ان الانبياء بس اللى بيقدروا يفسروا غير كدا لأ



انا سمعت رأى لدكتور الشيخ مبروك عطية استاذ في جامعة الازهر
بيقول فيه ايه


اولا مش قاعدة ان اللى يشوف رؤية يبقي مسلم او راجل صالح
بدليل ان الملك اللى كان على ايام سيدنا يوسف اللى شاف
سبع بقرات لم يكن مسلماً
وفرعون مصر لما شاف نهايته على يد سيدنا موسي
بردو لما يكن فرعون مسلما دا كان بيقول انا ربكم الاعلى


و في حديث للبخارى ان النبي سايب لينا تلات قنوات
اول قناة ان من رأى خيراً فان الله يبشره
ثانيا من راى شرا فالشيطان يخوفه
ثالثا من راى شيئا في يقظته رأه في منامه من باب حديث النفس


وذكر موقف كمان
ان لما ابو بكر الصديق كان في احد الاشخاص بيقص رؤيته على سيدنا محمد
" صلى الله عليه وسلم "
فابو بكر الصديق رضي الله عنه قال للنبي بعد اذنك انا هفسر الرؤية دى
فلما فسر ابو بكر رضي الله عنه
قال للنبي ما رايك اصبت ام اخطأت
قال النبي صلى اله عليه وسلم : أصابت في بعض واخطات في بعض


فقال ابو بكر للرسول صلى الله عليه وسلم
اقسم عليك ان تبين لى ما الذى اخطات فيه
فقال له النبي صلى الله عليه وسلم لا تقسم


جميع شراح السنة قالوا
لم يبين له ما اخطا فيه حتى لا يكون علماً
يعنى مش قاله انت غلط في كذا وصوابها كذا

طب ايه الحال لما ابو بكر يخطأ ؟
وزى ما كلنا عارفين قد ايه ايمانه ووسع علم ابو بكر الصديق
يبقي هل من السهل ان اى فرد يفسر او اى شيخ يفسر


طب ليه الناس مقتنعة اوى بحكاوى التفسير دى ؟
وبيتصلوا ويتكلموا ويتابعوا
هل ده فراغ ولا نقص علم ولا توهان من ضمن اللى بقي موجود؟
هل بقي من السهل علينا اننا نصدق اوهام او اخطأ بدون دلائل؟
وهل اى حلم بنحلمه يبقي رؤى فعلاً؟
طب ليه مش بنستند لكلام الرسول صلى الله عليه وسلم ؟
وللقنوات اللى هو سابهلنا من خلالها نقدر نحدد ولو شىء بسيط ؟


اخيرا جه في بالى مشهد كدا لـ احمد عيد
وهو بيقول : هى الارانب ف الموبيل خير


كل اللى اقدر اقوله ياريت ناخد بالنا ونفرق بين الصح والغلط
وبأكد انى مش بقول انه مفيش رؤى لا
انما بقول مش اى حلم يبقي رؤى
ومش اى حد يقدر يفسر


منقول للافاده والمناقشه
احب اسمع ارائكم في الموضوع ده لانو انتشر جدا
وبقى فيه قنوات بتفتح مخصوص للحكايه دي
وبقوا واخدينها تجاره مش حاجه للناس ولا غرض تفسير احلام


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يا ترى الجرجير ف الحلم خير
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم العام :: القسم العام-
انتقل الى: