الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 اخر5دقائق...فكرت فيهم؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
admin
منشئ المنتدى
avatar

ذكر
عدد المساهمات : 180
تاريخ التسجيل : 21/07/2010
العمر : 23
الموقع : www.aard.mam9.com

مُساهمةموضوع: اخر5دقائق...فكرت فيهم؟!    الثلاثاء يوليو 05, 2011 6:22 pm


آخر خمس دقايق قبل الموت فكرت فيهم ؟!
فكرت فيهم ؟!
مين فينا فكر فيهم يا إخوانا ؟
مـــــــــيــــــــــــــــــن ؟
ساعة الحسرة
والله العظيم كان الواحد زمان أول الكلية كان أكبر دافع لألتزامه هما آخر خمس دقايق قبل الموت
كنت أقعد أفكر طيب أنا لو عشت حياتي زي ما أنا عايز ساعة ما آجي أموت وشريط حياتي يتعرض أدامي كل المناظر تتعرض
عشت زي ما عشت وعملت اللي أنا عايزه
ووصلت للي أنا عايزه
وبـــــــــــعـــــــديــــــــــــــن ؟!
ذهبت لذتها وبقيت حسرتها
طيب وبعدين ؟
وبعدين يا إخوانا ؟
لما تيجي تفكري كده تلاقي إن لما ربنا بيسحب الروح من الجسد بيسحبها مش مرة واحدة
واحـــدة واحـــدة
الروح تتآخد من الرجلين ، من الصدر ، من البطن ، من
الأيدين لغاية ما توصل للحلقوم والتراقي يبقى الإنسان نايم لسه واعي وعارف
إن روحه بتتسحب ولكن بيبص على جسمه
جسمه مات خلاص
إيديه ماتت ، رجليه ماتت ، صدره مات
وهو الروح متعلقة هنا هو لسه ما خرجتش
لـــــــيـــــــــــــه ؟
ليه ربنا بيخلي الإنسان قبل ما يموت يشوف جسمه وهو ميت ولسه الإنسان ما متش ؟
عارفين ليه ؟
عشان ربنا يقولك
إيديك دا هى كانت من ساعات طوع أمرك لو عايز تسبحني بها ليل نهار سبحني
رجليك دا هى كانت من يومين طوع أمرك عايز تقوم الليل عليها قوم
عايز تروح للمسجد عليها روح
عايز تروح دروس العلم والوعظ عليها روح
كان جسمك دا هو كله تحت أمرك
ضـــيـــعــــتــــه لــــيــــــه ؟
خمس دقايق قبل الموت مشهد الحسرة
ولما الإنسان بيموت فجأة عامل زي طالب قاعد في الامتحان والورقة اتشدت فجأة
اتـــشــدت فــجـــأة !!
طيب استنى طيب خمس دقايق
طيب عشر دقايق
ولا دقـــــيـــــقـــــة واحـــدة
مين فينا يستحمل كده ؟
الستوب واتش بتاع عمري وعمرك وعمرِك
اللي لما يجي عند ساعة الصفر الله أعلم
لحظة الصفر دي حنكون على طاعة ولا حنكون على معصية
حـــنـــكـــون علـى إيــــه يا جـــمـــاعــة ؟
ملك الموت حينزل ياخد روحنا على إيه ؟
حيآخدها على طاعة ولا على معصية ؟
لازم نـــفـــــكـــــر
يا إخوانا الخواتــــيــــــــــم
الخواتيم يا إما وسام شرف بيتعلق على صدورنا نقابل بيه ربنا
يا إما وصمة عار على الجبين يندى ليها الجبين يوم القيامة

حـــنــــقــــابــــل ربــــــنـــــــــا نـــــــــقــــــول لـــه إيــــــــــــــــه ؟
وأنا راكب مع سواق تاكسي وحود مخالف من شارع رئيسي لقى عربية المرور فوشه نزل الضابط مد إيده لسواق التاكسي أداله الرخصة مشي
قلت سبحان الله !!
طيب ما أنا ياما ركبت مع سواقين تاكسي لما الضابط قال لهم الرخصة مرضوش يدهاله ! اشمعنى ده ادهاله على طول !
لأنه ضُبط متلبس
مصيبة موتة السوء إن الواحد ضُبط متلبس
الممثل اللي من كذا سنة مات في أوضة الزنا
ده ضُبط متلبس والعياذ بالله
ده يقابل ربنا يقول ربنا إيه ؟!
ده يقول لربنا إيه ؟!
المشكلة يا جماعة إن آخر مشهد لينا قبل الموت هو أول مشهد لينا يوم القيامة
اللي أنت مت عليه حتُبعث عليه
المشهد الأخير ليكي في حياتك هو المشهد الأول ليكي في العرض على الله
المشهد النهائي الختامي للفيلم ، للحياة ، للأحداث بتاعت دنيتنا
هو المشهد الأول لينا في الآخرة حنقابل ربنا بإيه ؟
حنُبعت بين إيدين ربنا بأنهي مشهد يا إخوانا ؟
حنقابل ربنا بأنهى مشهد ؟!
عايزين نفكر ، عايزين نقف مع نفسنا وقفة ، عايزين نقف مع نفسنا وقفة في الموضوع الخطير ده
أنت دلوقتي لو أنت طالب بتذاكر كل يوم 15 ساعة وأنا فوت عليك 90% حلاقيك بتعمل إيه ؟
بتذاكر
ليه ؟
لأنك أنت معظم يومك بتذاكر
أهو لو أنتي حياتك كلها طاعة وملك الموت نزل
حينزلك على إيه ؟!
عـــلـــى طـــــــــــاعـــــــــــــــــة
طيب لو حياتك كلها معصية وغفلة ؟
وملك الموت نزل حينزلك على إيه ؟!
عـــلـــى غــــفـــــلـــــــة
عايزين نـــــــــفـــــــــــــوق يا إخوانا
عايزين نستيقظ
الغيوبة اللي بقت في قلوبنا دية معرفش الغيوبة دي سببها إيه ؟!
غيبوبة إزاي ومعانا القرآن
غيبوبة إزاي ؟!
خــــــــواتـــــــيــــــــــم الــــســـــــــوء والـــخــــواتــــيــــم الـــفـــجــــأة
بقت أحداثها لا تُحصى
التلات صفحات الوفيات اللي بيجوا كل يوم في جريدة الأهرام
بقى قد إيه نسبة منهم خواتيم فجأة
ناس ماتوا فجأة !
قد إيه يا جماعة ؟!
طيب ليه يارب ؟ ليه الرسايل دي كلها يارب ؟!
عشان نفوق من الغيبوبة دي
عشان كده أنا قبل ما أبدأ درسي الليلة
أنا عايزِك تقسمي الشاشة دلوقتي نصين
أنا عايزك تقسم الشاشة معايا نصين
نص تفتكر معايا المغني المطرب الفلاني اللي عاش طول عمره
ماسك
العود بيعزف عليه وبيغني على المسرح قدام الناس ولما ملك الموت نزل خد
روحه خد روحه وهو ماسك العود وبيعزف على المسرح قدام الناس
والنص التاني مشهد شوفته بعيني على شبكة الإنترنت
أحد الدعاة إلى الله كان بيدي درس في مسجد وبيتصور فيديو وقاعد يتكلم عن ربنا ، يتكلم عن ربنا ، يتكلم عن ربنا
وفى آخر الدرس فجأة تبص له تلاقي عينيه غرّبت كده في لحظة وراسه وقعت على كتفه
ســـــــبـــــــــحــــان الله العظيم !!
مــات في لـــحـــظة
في لحظة !
كأن روحه خرجت تسيل كما تسيل القطرة
قلت سبحان الله !!
ده عاش على الغناء فمات عليه وده عاش على الدعوة فمات عليها
أنتي عيشتي على إيه ؟!
أنت عايش على إيه ؟!
اخـــتـــــار مــــوتـــــــــك مــن دلــوقـــتـــي
اللي أنت عايش عليه هو اللي أنت حتموت عليه
مشهدين ما أنسهمش أبدا
مشهدين
أنا عايزِك تقسمي الشاشة نصين تاني
أنا عايزك تفضل قاسم الشاشة نصين
المشهد الأولاني
أحدى المريضات الله يرحمها
وكنا في المستشفى وكانت نازلة في بلد غير بلدها
وفجأة تعبت صحيًا نقولها المستشفى
حالتها تدهورت بسرعة جدا لدرجة إن في خلال أقل من دقيقتين كانت راحت في غيبوبة محناش لحقين نعملها حآجة
لا أنت لاحق تقيس ضغط ولا سكر ولا تحاليل ولا حاجة
الموضوع بيتدهور بسرعة شديدة
نامت في غيبوبة وأحنا واقفين طيب نعمل إيه ؟!
نلحقها إزاي ؟
والله العظيم يا جماعة لقيتها وهى في غيبوبة
قامت قامت كأنها سليمة زيي زيك كده بالضبط
قامت قعدت
وقالت لا إله إلا الله محمد رسول الله
وقامت واقعة ميتة
قلت ياااااااااااااااه
ياااااه دي يقينًا عاشت على لا إله إلا الله عشان ربنا يُمتها على لا إله إلا الله
عشان ربنا يرزقها الخاتمة العظيمة دهي
المشهد التاني
في الطيارة رجل أعمال ومعاه الشنطة والصفقات ومسافر من صفقة رايح صفقة وهو في الطريق ينزل ملك الموت
ملك الموت ينزل على رجل الأعمال
ما رجل الأعمال بيموت
الفلوس حتنفع بإيه ؟!
مفيش نفع هنا فبدأ اللي جنبه يقول له قول لا إله إلا الله ميقولش
قول لا إله إلا الله ميقولش
في الآخر بيقول له الكلمة دي مش قادر أقولها
مش قادر تقولها ليه ؟!
ما عاش عليها يا جماعة
ما عاش عليها مهياش في قلبه
قلبه هنا صفقات وفلوس وأموال وشهوات
ومركز وسلطة ورئاسة وشهرة ونظر ناس
ده قلبه هنا مفيش في قلبه لا إله إلا الله
يقولها إزاي ؟!
أحنا حنقولها ولا مش حنقولها
ما هو لا إله إلا الله عاملة زي شريط كاسيت
اللي أنت سجلته عليه هو اللي حيطلع لما تيجي تشغله
أنت سجلت على قلبك إيه ؟!
أنتي مليتي قلبك بإيه ؟!
أنت شحنت قلبك بإيه ؟!
يا جماعة الشاشة لسه مقسومة نصين منقفلش الشاشة دلوقتي
مشهدين لسه برده ما يتنسوش
المشهد الأولاني
مشهد داعية كان راكب عربيته على الطريق السريع ولقى
عربية فيها ولد وبنت شكلهم في معصية الله طايرين على الطريق السريع بيبصلهم
لقى الولد والبنت بعد فترة دخلوا تحت عربية نقل حادثة قاتلة
الداعية جري بالعربية بتاعته ناحيتهم وقفها عندهم نزل على الولد يلحقه وهو بيحتضر أنه يقول لا إله إلا الله
بيقول نزلت قعدت أقول له قول لا إله إلا الله
قول لا إله إلا الله
لقيته بيقول لي أنا بــكــــرهـــه !!
أنا بــكــرهــه والعياذ بالله !!
قلت ياااااااااااه !!
وهو حيحبه منين ؟!
حيحبه منين ؟!
هو عرفه فين عشان يحبه ؟!
هو سمع قرآن قبل كده فين بيتكلم عن ربنا عشان يحبه
هو دخل جامع ولا سمع درس ديني عن ربنا قبل كده فين عشان يحبه
هو أطاعه قبل كده أمتي عشان ربنا يكرمه بسبب طاعته
فيعرف قد إيه ربنا كريم فيحبه
حيحبه إزاي ؟!
حيحبه إزاي الغلبان ده
دا هو فاق لقى نفسه تحت عربية نقل
أنا بــكـــرهـــه !
هى دي آخر كلمة بتقولها قبل ما تقابله ؟!
هى دي آخر كلمة يتقفل عليها صحيفتك ؟!

النص التاني من الشاشة
بنت فتاة ملتزمة دخلت أوضة العمليات وصممت إنها تدخل وهى صائمة لله سبحانه وتعالى
خرجت من أوضة العمليات إنسانة عاشت على حب الله سبحانه وتعالى
خرجت من أوضة العمليات وهى بتفوق من البنج
اللي في قلبها هو اللي بيطلع
اللي في قلبها كان إيه ؟!
فلان ؟ علان ؟ الموضوع الفلاني ؟!
اللي في قلبها كان ربـــنــــا
خرجت من أوضة العمليات تقول أنا بحبك أوي يااارب
أنا بحبك أوي يارب
ومـــــــاتـــــــــــــت قبل ما تفوق من البنج
ماتت وهى بتقول أنا بحبك أوي يارب

ده شاب بيقول أنا بــكــرهــه وهو بيموت
ودي واحدة بتقوله أنا بحبك وهى بتقابله وروحها بتصعد إليه
دي عاشت على حب الله وده عاش على هجر أي طريق يوصله لربنا سبحانه وتعالى
حـــنـــــمــــــوت عــلــى إيــــــــــه ؟!
يا إخوانا من عاش على شيء مات عليه
أنتي عايشة على إيه ؟!
أنت عايش على إيه ؟!
اللي أنتي عايشة عليه دلوقتي لما ملك الموت ينزل حينزلك وأنتي على إيه ؟!
اللي أنت عايش عليه دلوقتي
ليلك قيام ولا غفلة
نهارك طاعة ولا غفلة
ليلنا ونهارنا يا جماعة
أحوالنا إيه ؟!
إحنا مستنين إيه ؟!
منتظرين إيه ؟!
منتظرين إيه دلوقتي ؟
نقلا عن الدكتور حازم شومان حفظه الله



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aard.mam9.com
 
اخر5دقائق...فكرت فيهم؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: اعرف دينك :: القسم الاسلامى العام-
انتقل الى: